نبي مشاركاتكم ونعرف كل ناس وطريقتهم في الخطوبة وما يلحقها وما قبلها بعد ههههههه
عائلتنا المحترمة طبعا
بتكلم لكم على زواج من زواجاتنا
طال عمركم
يجي الشياب طول الله عمره ويزن فوق راس ولده ياولدي انت صرت كبير وانا ودي اشوف عيالك قبل اموت ...والاسطوانه المعروفه
واذا ربي عقل الولد قال خلني اكمل نص ديني
وقال خلاص ما عندي مانع بس ابي بنت تناسبني
يقول الابو بنت فلان حلوه بخطبها لك كنه شايف بنات القبيله كلهم
ويروح الابو والاخو ومن يرافقهم من الاحباب لابو البنت ..
المهم
تجي ام الولد واخواته يشوفون البنت واذا عجبتهم << كنهم هم اللي بيتزوجونها , يروح الولد وتصير الشوفه الشرعيه ..
واذا عجبته البنت يقوله ننتظر ردك ياعمي " واذا ما عجبته يطالع في ابوه وابوه يحل السالفه ههههه" بعد تقريبا فتره بسيطه اذا رد ابو البنت بالموافقه
يروحون عايلة الولد لبيت البنت ويجيبون الماذون ويكتب الكتاب ويخلصون كل شي .
وبعدها اهل البنت يسون حفله اسمها الملكه "تكون بسيطه في استراحه "
وفيه ناس يتحمسون ويسونها ازود من العرس نفسه ..
وتبدء فترة الخطوبه وكل واحد على كيفه ان شاء الله سنه
وبفترة الخطوبه يجي بيتهم ويطلعون اماكن عامه عادي
ووقتها الرجال يبدأ يشوف امورة ويضبط كل شي الشقة وصالة الافراح والعشاء والحلويات والقهوه والطقاقات ...الخ
اذا فيه عرضة للرجال يرتب لها من ناحية المكان والموعد الي يتم فيه الرقصة الاغلب يسونها
هذة طريقة زواجنا
من ناحية التكاليف المهر 20 الف اذا من الجماعه وعيب عندهم التغير واذا من برا بكيفهم وتوصل إلى 100 الف
وطبعا تكون فيه زفه وتدخل العروسه وفي بعض الاحيان العريس على حسب العروسه اذا تغار
طبعا اهل العروسه يجتمعون مع اقاربهم من بعد المغرب في بيت اهلها إلى صلاة العشاء وبعد العشاء يروحون للصالة الافراح وما تسمع الا البواري بيب بيب بيب << ازعاج
ويكونون اهل العريس في استقبالهم في الصالة من الظهر << متعقده
يجلس المعرس في الصالة إلى ان يقلطون للعشاء ثم ياخذه اخو العروس ويوديه لبيتهم وياخذ عروسته ويروحون لقفص الزوجيه
هذا كل ما لدينا من عاداتنا
طبعا الي خلاني انزل الموضوع لاني شفت ناس يختلفون عادتهم وتقاليدهم عنا
ياليت نثقف بعض بالعادات والتقاليد
على فكره امس لمن نزلتي الموضوع
تراي كتبت رد
ولمن كنت احاول انسقه اتقفلت الصفحه
بغيت اصيح
المهم
الزواج عندنا
اول شي الولد لمن يتوظف يقول لأهله ابي اتزوج تقوله امه خلنا ندور لك بنت الحلال بس انت عطنا المواصفات الي تبي << الي يسمعها يقول انها تبي تتقيد فيها
المهم اهي تقوله هذا الكلام من باب الروتين والا هي مخططه هي وبناتها من الاساس يبون فلانه
المهم بعد كم يوم تقوله ترى بنت فلنه وش ملحها وفيها كل الصفات الي تبيها
همن عاد يبدون يطيرون البنت عند الولد
همن تقول الام رح كلم ابوك
وهي بنفس اليوم تكلم الشايب << مدري ليش قالت للولد يروح يكلم ابوه
المهم يوم يقولون للشايب
يبدى عاد يتفلسف
وش كبرها اختها مدري وشو وامها مدري كيف ومن ذا السوالف حقة الشيبان
المهم وبعد مداولات يقول خلاص اقرب فرصه نبي نروح لهم
همن تدق الام على ام البنت وتقولها
ترى نبي نخطب فلانه لفلان
همن تقول ام البنت نبي نشوف شايبنا ونرد لكم
همن ام البنت تكلم ابو البنت بنفس اليوم ويرد عليها بالموافقه
بس اهي ما ترد على ام الولد الا بعد اسبوعين كذا
علشان يقالها بنتنا خطابها واجد ولا حنا مستعجلين على ولدكم << والصدق بنتهم طايحه في تسبودهم
المهم
همن بعد اسبوعين ترد على ام الولد
ويروحون يخطبون البنت يروح الابو والولد والي وده يروح يروح مافي مشاكل
عاد هنا يصير شي غريب سبحان الله
ابو البنت نفسيته تصير زفت
تقل جايين نبي نسرق بنته
المهم وبعد ما يتم مداولة الموضوع بين الشيبان
يقول ابو البنت نبي نشاور ونسئل ونشووووف
المشكله انهم سائلين ومشاورين وقاضين
بس كذا برستيج
المهم
يتحدد المهر غالباً يتراوح من 40 الى 60
هذا مشروع الزواج بالنسبه لنا
الباقي عادي ومعروف
التوقيع
دعْ ذكرهنَّ فما لهن وفاءُ ... ريح الصبا وعهودهنَّ سواءُ
يَكْسِرْنَ قَلْبَكَ ثُمَّ لاَ يَجْبُرْنَهُ ... و قلوبهنَّ من الوفاء خلاءُ
طيب احنا مو مختلفين كثير عنكم
طبعاً الولد بس يتوظف يبدأ الاهل ياوليدي نبي نزوجك نخاف عليك ومن هالكلام واذا وافق الولد انه يتزوج تبدأ رحلة البحث عن عروس طبعاً الام والاب اكيد عارفين فلان عنده بنت على وجه زواج او خلاص يكون سنها مناسب وتروح الام تشوفها وتقرر وتقول للاب انها تصلح عاد بيقولوا للولد ترى بنت فلان زينه ونعرف اهلها وعايلتهم محترمه ومن هالعلوم واذا وافق الولد يجي هنا شغل الحريم تسأل ام الولد ام البنت اذا بنتكم متكلم عليها احد او مخطوبه واذا مهي مخطوبه تقول ترانا نبيها لولدنا ونبي رأيكم عاد اذا أخذوا الموافقه يحدد ابو الولد موعد لمقابلة ابو البنت ويتقدموا بشكل رسمي . عاد اذا ابو البنت موافق وعارف الولد يعطي موافقته هو بشكل مبدئي ويقول نشاور ونرد لكم خبر وهنا تبدأ المشاورات الجديه وبعد ماتوافق البنت بشكل رسمي يبغ ابو البنت ابو الولد ويقوله تعال هنا تجي النظره الشرعيه في هالوقت وكل واحد يكحل عيونه بالثاني وفي الغالب يصير عزيمة عشا على الخفيف ويتم الاتفاق على الشروط والمهر في الغالب من 20 الى 50 الف على حسب ونادر مايوصل 50 وبعدها يجي التحليل وبعدين يعقد عليها وهنا يسووا حفلة الملكه وعند البعض مثل العرس وكل هذا على ظهر العريس المسكين قد تمتد فترة الخطوبه الى سنه او أكثر قليلاً وقد تكون اقل من ذلك بكثير خلال هالفتره يزور الولد البنت ويقابلها في بيت اهلها من غير خلوه يعني ممكن تلقى اخوها الصغير لاصق بجنبك او امها باب المجلس مفتوح. بعدين تبدأ مراسم الاعداد للزواج.
عندنا الزواج فيه وجبتين غدا وعشا وبصراحه هالنظام متعب جداً المهم تجي العروس بعد العشا وتدخل على الكوشه وتجلس مدة اقصاها نص ساعه او اقل من ذلك بعدين ياخذها زوجها وعلى بيتهم وحياة حلوه ياعرسان.
_05.gif){kind=small}
_04.gif){kind=small}
_03.gif){kind=small}
َ., .,َ العــادات والتـقاليد في الخــطوبة َ., .,َ
وما يلحقها 
وما قبلها بعد ههههههه 
.. ودك تسوي سحر وترجعها صح هههههههه
.gif "SnipeR (61)")
العرض العادي
_12.gif){kind=small}
_11.gif){kind=small}
_10.gif){kind=small}